ABŞ-də daha bir təyyarə qəzası baş verib - YENİLƏNİB
Xəbər verdiyimiz kimi, ABŞ-nin Filadelfiya ştatında göyərtəsində 6 nəfərin olduğu tibbi təyyarə ticarət mərkəzinin yaxınlığında qəzaya uğrayıb.
Crossmedia.az "BBC" yə istinadən xəbər verir ki, partlayış nəticəsində evlərə və avtomobillərə ziyan dəyib.
ABŞ-nin yeni təyin olunmuş nəqliyyat naziri Şon Daffi özünün "X" səhifəsində "Learjet 55" təyyarəsinin Şimal-Şərqi Filadelfiya hava limanından qalxdıqdan sonra qəzaya uğradığını bildirib. Təyyarədə altı nəfər olub.
"Jet Rescue" hava təcili yardım xidməti bildirib ki, qəza zamanı təyyarədə dörd ekipaj üzvü, həmçinin bir uşaq və bir müşayiətçi olub:
"Bizim sağ qalanlar haqqında heç bir məlumatımız yoxdur və alovun şiddətinə, dağıntılara və qəzanın növünə əsaslanaraq, sağ qalanların olub-olmamasına şübhə edirik".
XXX
09:15
ABŞ-nin Filadelfiya ştatından Missuriyə uçan “Learjet 55” təyyarəsi yaşayış binalarının üzərinə düşüb.
Crossmedia.az CBS telekanalına istinadən xəbər verir ki, qəza nəticəsində bir çox ev yanıb.
Polisin bildirdiyinə görə, bir neçə yaralı var. Onların vəziyyəti ilə bağlı məlumat verilməyib. Federal Aviasiya Administrasiyasının məlumatına görə, təyyarənin göyərtəsində iki nəfər olub.
09:56 01.02.2025
Oxunuş sayı: 3358
