Xarici xəbərlər
Türkiyədəki erməniəsilli deputat çağırış etdi
“Sülh müqaviləsi imzalansa, qazımızın 40 faizini Azərbaycandan, buğdamızın 40 faizini isə Türkiyədən ala bilərik. Türkiyədə və Türkiyə hökumətində Ermənistanla sərhədlərin açılmasının əleyhinə olan yoxdur”.
Crossmedia.az xarici KİV-ə istinadən xəbər verir ki, bunu Türkiyə Böyük Millət Məclisinin keçmiş deputatı, “Karnegi” fondunun nümayəndəsi Karo Paylan deyib.
Onun sözlərinə görə, sərhəd açılsa, turistlər hər iki tərəfdən gəlib-gedə bilər.
“Öyrəndim ki, buğdanın 95 faizi Rusiyadan gəlir və bu qədər asılı olmaq yaxşı hal deyil. Eyni şey qaz üçün də keçərlidir. Bu vəziyyəti bir az dəyişmək lazımdır. Bu müqavilə imzalansa, biz qazın 40 faizini Azərbaycandan, 30 faizini İrandan, 40 faizini isə Rusiyadan ala bilərik. Buğda da belədir, 40 faizini Türkiyədən və ya başqa ölkələrdən ala bilərik. Biz azad və müstəqil olmalıyıq. Təəssüf ki, biz çox emosionalıq, amma siyasətçi təhlükələri və imkanları görməlidir”, - deyə Paylan qeyd edib.
Türkiyə Böyük Millət Məclisinin keçmiş deputatı bildirib ki, burada Trampın mövqeyi çox önəmlidir.
“Tramp praqmatik liderdir, bütün ölkələrlə ticarət etmək istəyir, Ərdoğan da praqmatik prezidentdir, həm də bütün ölkələrlə ticarət etmək istəyir. Amma bir fərq var, Ərdoğan Baydendən qorxmurdusa, Trampdan ehtiyat edir. Tramp varlıları sevir, ABŞ-də isə çoxlu varlı ermənilər var, gedib Trampa deyə bilərlər ki, bu sülh nizamlanmasını təşkil et”, - deyə o əlavə edib.
19:14 31.01.2025
Oxunuş sayı: 7450
