2032-ci ildə Yerə asteroid düşmə ehtimalı - Alimlər açıqladı
Beynəlxalq kosmos agentlikləri YR4 adlı asteroidin 2032-ci ildə Yerə düşmə ehtimalının olduğunu açıqlayıb. Asteroid Xəbərdarlıq Şəbəkəsinin (IAWN) hesablamalarına görə, bu ehtimal 1-ə 83 kimi qiymətləndirilir.
Crossmedia.az xəbər verir ki, bu barədə TRT Haber məlumat yayıb.
Astronomların fikrincə, düşmə riski hələ də aşağıdır. Catalina Sky Survey mühəndisi David Rankin bu barədə yazıb:
"Bu, indiyə qədər qeydə alınan ən yüksək düşmə ehtimallarından biridir. Yenə də böyük ehtimalla asteroid Yerə dəyməyəcək."
Məlumata görə, asteroid qlobal fəlakətə səbəb olacaq qədər böyük olmasa da, düşdüyü təqdirdə 50 kilometrlik bir ərazidə ciddi dağıntılar yarada bilər.
Qeyd edək ki, düşmə ehtimalı olan bölgələri arasında Şərqi Sakit Okean, Cənubi Amerikanın şimalı, Afrika və Cənubi Asiya göstərilir.
Fatimə Məmmədova
19:04 31.01.2025
Oxunuş sayı: 6137
