Xarici xəbərlər
Kanzas senatoru Trampın DEI açıqlamaları ilə bağlı sualdan yayınır
- ABŞ senatoru Jerri Moran (R-Kanzas) administrasiyanın təyyarə qəzasına reaksiyasını yüksək qiymətləndirib, lakin prezident Donald Trampın qəzanın DEI (Diversity, Equity, and Inclusion – Müxtəliflik, Bərabərlik və İnklüzivlik) siyasəti ilə əlaqəli ola biləcəyi barədə fikirlərini şərh etməkdən yayınıb.
- "Bu barədə heç bir məlumatım yoxdur. Əgər bununla bağlı hər hansı sübut varsa, bizim ticarət komitəsi və alt-komitəmiz bunu araşdıracaq. Əsas məqsəd hər bir amerikalının təhlükəsiz şəkildə uçuş edə bilməsidir", – Moran jurnalistlərə açıqlamasında bildirib.
- Crossmedia.az “NBC”-yə istinadən xəbər verir ki, senator qəzanın səbəblərinin araşdırılmasının davam etdiyini vurğulayıb.
- "Mənə və ya ictimaiyyətə bu qəzanın konkret hansı səbəbdən baş verdiyi ilə bağlı hər hansı məlumat verilməyib", – deyə Moran qeyd edib. O, hazırda əsas diqqətin ailələrlə əlaqə saxlamağa, onları məlumatlandırmağa və onların Vaşinqtonda və ölkə üzrə bir araya gəlməsinə imkan yaratmağa yönəldiyini bildirib.
- O əlavə edib ki, administrasiyanın qəza ilə bağlı operativ addımlarından "çox məmnundur". Bu barədə isə Müdafiə və Nəqliyyat nazirliklərinin rəhbərləri ilə danışıb.
- Nicat Rüstəmzadə
09:17 31.01.2025
Oxunuş sayı: 5985
