HƏMAS-ın idarə heyəti Ərdoğanla görüşüb
İslami Müqavimət Hərəkatının (HƏMAS) rəhbərliyindən ibarət nümayəndə heyəti Prezident Rəcəb Tayyib Ərdoğanla Ankarada görüşüb.
Crossmedia.az türk mətbuatına istinadən xəbər verir ki, Məhəmməd Dərvişin rəhbərlik etdiyi HƏMAS nümayəndə heyətinə Xalid Məşəl, Dr. Xəlil Əl-Həya, Zahir Cabbarin, Məhəmməd Nəsr və hərəkatın Türkiyədəki nümayəndəsi Musa Akari daxil olub.
Görüşdə Fələstin məsələsi, Qəzzadaki humanitar vəziyyət, İsraillə atəşkəs və əsir mübadiləsinin gedişatı müzakirə edilib.
HƏMAS nümayəndələri Fələstin xalqının məcburi köçkünlük cəhdlərini rədd etdiklərini, müstəqil dövlət yaratmaq hüququna sadiq olduqlarını vurğulayıblar.
Ərdoğan Fələstin xalqının mübarizəsinə dəstəyini ifadə edərək, Türkiyənin beynəlxalq aləmdə onların hüquqlarını müdafiə edəcəyini bildirib.
Görüşdə Türkiyənin xarici işlər naziri Hakan Fidan, MİT rəhbəri İbrahim Kalın, Prezident Administrasiyasının İctimaiyyətlə əlaqələr şöbəsinin müdiri Fahrettin Altun və digər rəsmi şəxslər iştirak ediblər.
19:26 30.01.2025
Oxunuş sayı: 7455
