Paşinyanın partiyasının reytinqi aşağı səviyyəyə düşüb – Sorğu
Ermənistanda keçirilən son ictimai rəy sorğusuna görə, baş nazir Nikol Paşinyanın rəhbərlik etdiyi hakim “Vətəndaş Müqaviləsi” partiyasının reytinqi tarixi minimuma enib.
Crossmedia.az xarici KİV-ə istinadən xəbər verir ki, MPG şirkətinin direktoru, erməni sosioloq Aram Navasardyanın sözlərinə görə, 2025-ci il yanvarın 20-22-də aparılan sorğuda respondentlərin cəmi 11,3 faizi seçkilərin bu bazar günü keçirilməsi halında hakim partiyaya səs verəcəyini bildirib. Bu, partiyanın indiyədək qeydə alınan ən aşağı göstəricisidir.
Bundan əlavə, sorğuda iştirak edənlərin 13,3 faizi bütün namizədlərin əleyhinə səs verəcəyini, 27,2 faizi isə seçkilərdə iştirak etməyəcəyini bildirib. Respondentlərin 10,2 faizi suala cavab verməkdən imtina edib, 15,4 faizi isə qərarsız olduğunu qeyd edib.
18:35 30.01.2025
Oxunuş sayı: 10268
