ABŞ plutonium nüvə sınağı keçirəcək
ABŞ hökuməti yaz aylarında Nevada ştatında, mövcud nüvə silahlarının effektivliyini və təkmilləşdirilməsini yoxlamaq məqsədilə kiçik miqdarda plutoniumun yeraltı partlayışını həyata keçirməyi planlaşdırır.
Crossmedia.az bu barədə NPR yayım şirkətinə istinadən xəbər verir.
Eksperiment “Cygnus” adlı layihə çərçivəsində keçiriləcək, bu layihə ABŞ hökumətinin ən gizli elmi layihələrindən biri hesab olunur.
Partlayış kimyəvi partlayıcılar vasitəsilə həyata keçiriləcək. ABŞ-ın Nüvə Təhlükəsizliyi Agentliyinin (NNSA) nümayəndələri bildirib ki, partlayış çox kiçik olacaq, nüvə silahının real gücündən çox kiçik bir hissəsi olacaq. Heç bir qeyri-kontrollu nüvə reaksiyası baş verməyəcək.
Plutonium nüvə başlıqlarının partlaması üçün əsas maddədir. Lakin zamanla onun radioaktivliyi azalır və dəyişdirilməyə ehtiyac duyulur. Bu sınaqlar köhnəlmiş nüvə maddələrinin müddətinin yoxlanılması üçün nəzərdə tutulur.
Eyni zamanda NNSA nümayəndələri bildirirlər ki, tam miqyaslı nüvə sınaqları keçirilməsinə ehtiyac yoxdur. Nüvə partlayışı bu planlaşdırılan eksperimentlərin bir hissəsi ola bilər.
“Bizim qiymətləndirməmizə görə, sınaq üçün sərf ediləcək xərclərin, səyin və vaxtın nəticəsi olaraq cavablandırıla biləcək sistematik suallar yoxdur” - deyə Los-Alamos Milli Laboratoriyasının atom fizikası mütəxəssisi Don Heyns bildirib.
Qeyd edək ki, bu laboratoriya 1945-ci ildə ilk nüvə bombasını sınaqdan keçirmişdir.
Gültac Mehdizadə
16:23 30.01.2025
Oxunuş sayı: 6826
