İsraillilər Netanyahuya güvənmir
İsraillilərin əksəriyyəti hökumət və dövlət qurumlarına etibar etmir.
Crossmedia.az "Walla"ya istinadən bildirir ki, 2024-cü ilin dekabrında Hayfa Universiteti tərəfindən keçirilən sorğuda, İsraillilərin 74 faizi Baş nazir Netanyahuya inam göstərmədiklərini bildirib.
Sorğu, əhalinin bütün təbəqələrini əhatə edərək, siyasi partiyalar və Parlamentə olan inamın da ciddi şəkildə azaldığını göstərib. Bu sahədə inamsızlıq 85 faizə yüksəlib.
Bundan əlavə, 70 faiz İsrailli, Baş nazirin Mətbuat İdarəsi, Maliyyə Nazirliyi və Nəqliyyat Nazirliyi kimi qurumlara etibar etmədiyini qeyd edib. 65 faiz isə Baş Prokurorluğa güvənmədiyini bildirib.
Hayfa Universitetinin Siyasi Elmlər Fakültəsində sorğu hazırlayan Eran Viqoda-Gadot və Şlomo Mizrahi, korrupsiyanın İsrail hökumətinin bütün səviyyələrində qorxulu dərəcədə geniş yayıldığını qeyd ediblər.
Tədqiqatçılar, həmçinin İsrail xalqının hüquq-mühafizə sistemlərinə olan inamını itirdiyini vurğulayıb.
Aybəniz Səfərova
00:48 30.01.2025
Oxunuş sayı: 3505
