Kallas: "Rusiyanın təhdidlərinə qarşı təhlükəsizlik tədbirləri görməliyik"
"Biz kosmosu müdafiə edərkən iqtisadiyyatlarımızı da müdafiə edirik. Peyklərimizin təhlükəsizliyi cəmiyyətimizin təhlükəsizliyidir".
Crossmedia.az xarici mətbuata istinadən xəbər verir ki, bunu Aİ-nin xarici işlər və təhlükəsizlik siyasəti üzrə ali nümayəndəsi Kallas deyib.
O, bildirib ki, Rusiyadan gələn təhdidlərə qarşı kosmosda təhlükəsizlik tədbirləri artırılmalıdır. Avropa hazırda “hibrid müharibə ilə üz-üzədir. Bu, həm yerüstü infrastruktur, həm də kosmik sənayelər üçün əhəmiyyətli risklər yaradır.
Rusiyanın peyk əleyhinə raket sınaqları və kosmik sistemlərə yönələn kiberhücumları, Avropanın kosmosdakı maraqlarını qorumaq üçün daha sərt reaksiyalar tələb etdiyini göstərir.
"Peyklərimizin təhlükəsizliyi cəmiyyətimizin təhlükəsizliyidir. Bu, bütün Aİ-yə üzv dövlətlərin maraqlarına cavab verir. Bütün problemləri birlikdə həll etmək lazımdır", – deyə Kallas qeyd edib.
Aybəniz Səfərova
00:28 30.01.2025
Oxunuş sayı: 3752
