Vardanyanın Nobel Sülh Mükafatına namizədliyi tənqid olundu
"Ruben Vardanyanın Nobel Sülh Mükafatına namizəd göstərilməsindən daha böyük bir cəfəngiyat təsəvvür edə bilərsiniz?"
Crossmedia.az xəbər verir ki, bu barədə Ukrayna Ali radasının deputatı Yuliya Yatsik danışıb.
O, Vardanyanın Putin rejiminin mahiyyətini təcəssüm edən fiqurlardan biri olduğunu bildirib:
"Siz soruşacaqsınız: O kimdir? O, Putin rejiminin bütün mahiyyətini təcəssüm etdirən fiqurlardan biridir. Milyardlarla pul oğurlayıb, Putinin tərəfinə keçib. Qafqazda separatçılıq oynayıb, sivil dünyanı özünə qarşı çevirib, sanksiyalara məruz qalıb, özünü “təmizləməyə” çalışıb, amma alınmayıb. Daha sonra isə onu ələ keçirib məhkəməyə veriblər və tanınmamış "DQR"in digər separatçıları ilə birlikdə məhkəmə prosesi başlayıb.
2019-cu ildə Avropa Parlamentinin 22 deputatı Vardanyanın Kremlin əlaltısı kimi sanksiya siyahılarına daxil edilməsi təşəbbüsünü irəli sürüb. 2022-ci ildə ABŞ Konqresinin 46 üzvü Vardanyanı sanksiya siyahısına salmaq təşəbbüsü ilə çıxış edib. Həmin il Zelenskinin fərmanı ilə Vardanyan Ukraynanın sanksiya siyahısına daxil edilib.
2023-cü ildə isə Ukrayna Təhlükəsizlik Xidmətinin təşəbbüsü ilə o, “Mirotvorets” bazasına əlavə olunub.
Bütün bunlara baxmayaraq, Rusiya hələ də bu “sülhməramlını” irəli sürməyə davam edir. Lakin Ukrayna, Latviya, Litva və Ruminiyadan 123 deputat Nobel Komitəsinə birgə məktublar göndərərək Ruben Vardanyanın namizədliyinin ləğv edilməsini tələb edib.
Tərlan Əmrahova
22:22 29.01.2025
Oxunuş sayı: 4108
