Xarici xəbərlər
Britaniyanın ABŞ-dakı səfiri Tramp haqqında fikrini dəyişdi
- Böyük Britaniyanın ABŞ-dakı səfiri Piter Mandelson ölkə Prezidenti Donald Tramp barəsində fikrini dəyişib və ona hörmət etdiyini bildirib.
- Crossmedia.az bildirir ki, o, bunu Fox News telekanalına müsahibəsində deyib.
- “Tramp haqqında əvvəlki fikirlərim əsassız və yanlış idi, səhv etmişəm. Hesab edirəm ki, zamanla mənim də ona münasibətim dəyişib”, – deyə səfir qeyd edib.
- Mandelson vurğulayıb ki, Tramp onun etimadını və hörmətini qazanan bir liderdir. O, həmçinin əlavə edib ki, bu münasibət onun ABŞ-dakı diplomatik fəaliyyətinin əsasını təşkil edəcək.
- Xatırladaq ki, 2023-cü il dekabrın 20-də Mandelson Trampı “bütün dünya üçün təhlükə” adlandırmışdı. Buna cavab olaraq, ABŞ prezidentinin müşaviri Kris Lasivita Britaniya səfirini “tamamilə axmaq” adlandırmış və ona “öz ölkəsində qalmağı” tövsiyə etmişdi.
- Gültac Mehdizadə
15:35 29.01.2025
Oxunuş sayı: 10538
