“Ankara bəyannaməsi regional nəqliyyat layihələrinin inkişafına töhfə verəcək”- Nazir
Türkiyənin ticarət naziri Ömər Bolat Azərbaycanın, Türkiyənin və Özbəkistanın xarici işlər, iqtisadiyyat (ticarət) və nəqliyyat nazirlərinin Ankarada keçirilən ikinci üçtərəfli görüşündə çıxış edib.
Crossmedia.az xarici KİV-ə istinadən xəbər verir ki, o, Ankara bəyannaməsinin regionda nəqliyyat layihələrinin inkişafına mühüm töhfə verəcəyini diqqətə çatdırıb.
Nazirin sözlərinə görə, son illərdə Azərbaycan, Türkiyə və Özbəkistan arasında iqtisadi, ticarət və investisiya əlaqələri əhəmiyyətli dərəcədə genişlənib.
Ö.Bolat qlobal ticarət və nəqliyyat marşrutlarının sürətlə dəyişdiyini qeyd edib: “Regional nəqliyyat marşrutları, o cümlədən Orta Dəhliz və Zəngəzur dəhlizi üç ölkənin iqtisadi inkişafına və Asiya ilə Avropanın inteqrasiyasına mühüm töhfə verəcək. Bugünkü görüşün yekununda imzalanacaq Ankara bəyannaməsi bu layihələrin inkişafına və Bakı, Dəməşq və Ankara arasında ticarət-iqtisadi əlaqələrin daha da dərinləşməsinə xidmət edəcək. Türkiyə öz üzərinə götürdüyü bütün öhdəliklərin icrasına sadiq qalacaq”.
Gültac Mehdizadə
15:06 29.01.2025
Oxunuş sayı: 9626
