Fransada Marin Le Penin məhkəməsi ətrafında qalmaqallı təhdidlər
Fransada ifrat sağçı lider Marin Le Penin korrupsiya işi üzrə məhkəmə prosesində iştirak edən hakim və iki prokurora qarşı ölüm təhdidləri araşdırılır.
Crossmedia.az Reuters-ə istinadən xəbər verir ki, bu təhdidlər Le Penin 2027-ci il prezident seçkilərinə qatılmaq hüququndan məhrum edilə biləcəyi məhkəmə prosesi ilə bağlıdır.
Təhdidlər sağçı “Riposte Laïque” veb-saytında yayımlanıb. Şərhlərdə hakim haqqında “aradan qaldırılmalıdır”, prokurorlar haqqında isə “güllələnməlidir” ifadələri yer alıb. Bu reaksiyalar Le Penin və onun partiyasının Avropa vəsaitlərini əməkdaşlarının maaşlarının ödənilməsinə yönəltdikləri iddiaları ilə bağlıdır.
Prokurorlar, Le Penin məhkum olunacağı təqdirdə, onun beş il müddətinə dövlət vəzifələrində işləməsinə qadağa qoyulmasını tələb edirlər.
Qeyd edək ki, polis artıq təhdidləri araşdırmağa başlayıb. “Riposte Laïque” redaksiyası isə təhdid dolu şərhlərin sayt direktorunun sorğu-suala tutulmasından sonra silindiyini açıqlayıb.
Gültac Mehdizadə
02:49 29.01.2025
Oxunuş sayı: 8465
