Çin və Hindistan Rusiya neftinin alınmasını dayandırdı
ABŞ sanksiyalarına məruz qalmayan tankerlərin icarə xərclərində artımlar müşahidə olunur. Bu səbəbdən də Çin və Hindistan mart ayında idxalı planlaşdırılan Rusiya neftinin alınmasını dayandırıb.
Crossmedia.az xəbər verir ki, bu barədə Reuters məlumat yayıb. Nəşrin məlumatına görə, Rusiya mənşəli ESPO xam neftinin qiyməti "ICE Brent" markası ilə müqayisədə barrel başına 3-5 dollar bahalaşıb. Eyni zamanda, Çinə neft məhsullarını çatdırmaq üçün “Aframax” tipli (yükgötürmə qabiliyyəti 80-120 min ton) tankerin yükdaşıma xərcləri bir neçə milyon dollar artıb. Hindistanın ən iri neft-qaz şirkəti "Bharat Petroleum Corporation Limited", mart ayında neft tədarükü üçün yeni təkliflərin olmadığını bildirib.
Qeyd edilir ki, 2024-cü ilin nəticələrinə əsasən, Rusiya Hindistanın ümumi neft idxalının 36%-ni, Çinin isə təxminən beşdə birini təmin edib.
Tərlan Əmrahova
22:50 28.01.2025
Oxunuş sayı: 9214
