Ukrayna məhv olur?: "Rusiya ilə NATO qonşu ola bilər"
Dünya artıq iki ildən çoxdur ki, Rusiya-Ukrayna müharibəsinin ağır nəticələrinin şahididir. Minlərlə insanın həyatını itirdiyi, şəhərlərin dağıdıldığı və milyonlarla insanın məcburi köçkünə çevrildiyi bu müharibəsinin davamı sülhə doğru atılacaq hansısa bir addımı daha da çətinləşdirir. Danışıqlar masasına əyləşmək ehtimalı hər dəfə yeni maneələrlə üzləşir. Rusiyanın kəskin və sərt tələbləri, işğalçılıq siyasətindən geri çəkilməməsi, eləcə də Ukraynanın ərazi bütövlüyü uğrunda radikal mövqeyi tərəflər arasında uzlaşmanın qarşısını alır. Danışıqlar masası yalnız ritorik savaş meydanına çevrilib, sülh isə hələ ki əlçatmaz görünür.
Ukrayna Hərbi Kəşfiyyat Baş İdarəsinin rəhbəri Kirill Budanovun bu günlərdə səsləndiriyi fikirlər rəsmi Kiyevin gələcəyi ilə bağlı narahatlıqları daha da artırır. Belə ki, o, yaya qədər ciddi danışıqların başlanmayacağı halda Ukraynanın mövcudluğu üçün çox təhlükəli proseslər başlaya biləcəyini və ölkəsinin mövcudluğunun təhlükə altına düşə biləcəyini deyib.
Kiyev ciddi və ağır nəticələrdən narahatlıq keçirirsə nə üçün Moskvanın danışıq təkliflərini cavabsız qoyur? Rusiyanın, Ukraynana dövlətinin mövcudluğuna son qoyması nə qədər inandırıcıdır?
Siyasi şərhçi Rusif Məmmədsoy mövzu ilə
bağlı Crossmedia.az saytına açıqlama verib:
“Ukrayna tərəfi Rusiyanın təkliflərini məqbul
hesab etmir və edə də bilməz. Çünki Rusiyanın şərtləri olduqca ağırdır. Rusiya Ukraynanın ordusunu azaltmasını, NATO-ya üzv
olmamasını tələb edir. Bu, faktiki olaraq Ukraynanın kapitulyasiyasıdı. Ona görə
də Ukrayna Prezidenti Volodimir Zelenskinin Rusiyanın irəli sürdüyü təkliflərə
razı olmaması olduqca normaldır. Ancaq təəssüf ki, Rusiyanın işğal prosesi
davam edir. Xüsusilə Ukraynanın .ərq cinahında işğalçılıq siyasətini davam
etdirən Rusiya tərəfi bu prosesləri dayandırmaq niyyətində deyil. ABŞ
Prezidenti Donald Tramp
administrasiyasının bu mövzu ilə bağlı nə düşündüyünü ehtimal etmək çətindir”.
Ekspertin sözlərinə görə, Tramp özü də praqnozlaşdırıla
bilinməyən liderlərdən hesab olunur: “Ukrayna Prezidenti Vladimir Putin də bunu
çox yaxşı başa düşür. Danışıqlar masasının qurulması məsələsi də bir qədər
pnevmatikdi. Ukrayna tərəfinin təklifi Rusiyanın 2022-ci ilin 24 fevralındakı sərhədlərinə
qayıtmasıdır. Rusiya isə bunu heç cür qəbul etmək istəmir”.
Analitik Ukraynanın taleyinin ciddi təhlükə
altında olduğunu düşünmür: “Hesab etmirəm ki, ABŞ başda olmaqla qərb bloku
Ukraynanın sıradan çıxmasına göz yumacaq. Əgər elə bir mərhələ başlayacaqsa,
daha ciddi dəstəklərin şahidi ola bilərik. Çünki bu gün Ukraynanın apardığı
savaş sadəcə öz sərhədləri çərçivəsində deyil. O, eyni zamanda Avropanın təhlükəsizliyi
üçün ciddi bir bariyer rolunu oynamaqdadır. Bunu bütün Avropa dövlətləri də gözəl
başa düşür. Rusiya Ukraynanı işğal etsə, NATO-un qonşusu olacaq. Bundan sonra
kimsə təminat verə bilərmi ki, Rusiya ordusu Avropa ilə sərhəddə dayanmayacaq?
Bu, həm ABŞ-nin, həm də NATO ölkələrinin nüfuzuna ciddi təhdid olacaq. Buna görə
mən Ukraynanın taleyinin ciddi təhlükə altına düşəcəyini düşünmürəm”.
Ayhan Ağarzayev
17:02 27.01.2025
Oxunuş sayı: 9862
