Xarici xəbərlər
Ukraynadan ABŞ-yə sərt reaksiya
Ukrayna Milli Təhlükəsizlik və Müdafiə Şurasına bağlı Dezinformasiya ilə Mübarizə Mərkəzinin rəhbəri Andrey Kovalenko, ABŞ-ın Ukraynaya yardımını dayandırması ilə bağlı iddiaları rədd edib.
Crossmedia.az “Lenta.ru”a istinadən xəbər verir ki, O, bu barədə öz “Telegram” kanalında şərh yayımlayıb.
Kovalenko bildirib ki, “ABŞ-ın Ukraynaya hərbi yardımı, xüsusən də əvvəllər qəbul edilmiş hərbi yardım paketləri çərçivəsində davam edir”.
Amerika Birləşmiş Ştatları, İsrail və Misirə verilən hərbi dəstək istisna olmaqla, demək olar ki, bütün xarici yardımların maliyyələşdirilməsini 90 gün müddətinə dayandırıb. Bununla yanaşı, ABŞ-ın prezidenti Donald Tramp, Ukraynaya Amerika silahlarının tədarükünün tamamilə dayandırılmasını istisna etməyib.
Bundan əvvəl ABŞ prezidenti Donald Tramp, Kiyevin addımları səbəbindən Rusiya-Ukrayna münaqişəsinin davam etdiyini bildirmişdi. Trampın sözlərinə görə, Ukraynanın lideri Volodimir Zelenski ölkələr arasında sülh danışıqlarını pozub.
Nərgiz Camalzadə
17:44 25.01.2025
Oxunuş sayı: 14736
