Xarici xəbərlər

Ərəbistan və Rusiya arasında silah alışı barədə müqavilə bağlanıb

Səudiyyə Ərəbistanı hakimiyyəti 2021-ci ildə Rostec-in digər törəmə şirkəti Rosoboroneksport ilə müqavilə imzalayıb.
Crossmedia.az xəbər verir ki, müqavilə çərçivəsində Səudiyyə Ərəbistanı 2,2 milyard avro dəyərində 39 Pantsir-S1M hava hücumundan müdafiə sistemi, 10 mobil komanda məntəqəsi, həmçinin bir neçə yüz raket, əlavə maşın və radio rabitə sistemi almalı idi.
OCCRP-nin əldə etdiyi sənədlər silahların bir hissəsinin ölkəyə 2023-cü ildə gətirildiyini göstərir. Jurnalistlər Səudiyyə Ərəbistanı ilə sanksiyalara məruz qalan Rusiya şirkətləri arasında əməkdaşlığı müzakirə edən təklif də əldə ediblər.
Sənəddə üç mümkün müqavilədən bəhs edilir: texniki xidmət obyektlərinin tikintisi, Səudiyyə Ərəbistanının Ciddə limanında Pantsir sistemini idarə edəcək kadrların hazırlanması üçün mərkəzin yaradılması və Səudiyyə Ərəbistanında hava hücumundan müdafiə modulları və döyüş sursatlarının istehsalı üçün montaj zavodunun tikintisi.
Jurnalistlər bu müqavilələrin razılaşdırıldığını təsdiq edə bilməyiblər. Lakin Səudiyyə Ərəbistanı 2023-cü ildə bir sıra müqavilələri davam etdirib.
Qeyd etmək lazımdır ki, müharibədən sonra Rusiyanın hərbi ixracı azalıb. Çünki indi Rusiya daha çox daxili bazar üçün istehsal edir. Müharibədən öncə 15-18 milyard dollarlıq silah ixracı müharibədən sonra 3 milyard dollara qədər azalıb. Buna baxmayaraq Rusiya hərbi sənayesi Hindistan, Afrika, Misir və Səudiyyə Ərəbistanı kimi uzaq tərəfdaşları ilə əlaqələrini qorumağa çalışır.