Xarici xəbərlər

Pentaqonun yeni rəhbəri bu şəxs olacaq

ABŞ senatı ölkə Prezidenti Donald Trampın Müdafiə Katibliyinə (Pentaqon) namizədi Pit Heqsetin namizədliyini gərgin keçən səsvermədən sonra təsdiqləyib.
Crossmedia.az xəbər verir ki, səsvermədə nəticələr 50-50 olub. 50 Respublikaçı senator lehinə, 3 Respublikaçı və 47 demokrat əleyhinə səs verib. Bu cür bərabərlik zamanlarında son sözü vitse-prezident deyir.
Vitse-prezident Vensin səsi ilə Heqset 51-50 səs fərqi ilə Birləşmiş Ştatların yeni Müdafiə Naziri kimi təsdiqlənib.
Heqsetin namizədliyi ilə bağlı fikir ayrılıqlarına səbəb onun dünyagörüşüdür. Heqset qadınların orduda xidmət etməsinə qarşıdır. Eyni zamanda onun zaman-zaman radikal fikirləri demokratlar və mötədil respublikaçılar arasında narahatlıq yaradıb.
O Əfqanıstan və İraq müharibəsi veteranıdır. 2014-cü ildən mühafizəkarların əsas media qurumu olan "Fox TV" də çalışır.
Qatı xristian fundamentali olan Heqset islamla bağlı bir sıra tənqidi fikirlərə malikdir. İsrailin Fələstini anneksiya etməsini tam dəstəkləyən Heqset həm də qatı Tramp tərəfdarıdır.