Hakan Fidan Kaya Kallas ilə Suriyadakı son vəziyyəti müzakirə edib
Türkiyənin Xarici işlər naziri Hakan Fidan Avropa İttifaqının xarici işlər və təhlükəsizlik siyasəti üzrə ali nümayəndəsi Kaya Kallas ilə mətbuat konfransı keçirib.
Crossmedia.az türk mətbuatına istinadən xəbər verir ki, tərəflər Suriyadakı hadisələri müzakirə ediblər.
Qəzzadakı atəşkəs və Fələstindəki son vəziyyəti Kallasla qiymətləndirdiklərini açıqlayan Fidan, "Təəssüf ki, İsrailin hücumlarının davam etdiyini görürük. İsrail atəşkəsə tam əməl etməlidir. Bu mövzuda beynəlxalq ictimaiyyətin üzərinə böyük məsuliyyət düşür. "Humanitar yardımın çatdırılması və Qəzzanın yenidən qurulması beynəlxalq ictimaiyyət üçün prioritet olmalıdır. Biz bu məsələdə Avropa İttifaqı ilə işləməyə hazırıq", - deyə o qeyd edib.
Həmçinin Fidan Türkiyə-Avropa İttifaqı əlaqələrinin bəzi üzv dövlətlərin dar siyasi maraqlarının girovuna çevrilə bilməyəcək qədər dərin və çoxölçülü olduğunu, Türkiyə ilə Aİ-nin sabitliyi və rifahı üçün birgə çalışmalı olduğunu vurğulayıb.
19:39 24.01.2025
Oxunuş sayı: 8409
