Azərbaycanda ilk dəfə qar voleybolu üzrə ölkə çempionatı keçiriləcək
Azərbaycanda ilk dəfə qar voleybolu üzrə ölkə çempionatı keçiriləcək.
Crossmedia.az Voleybol Federasiyasına istinadən xəbər verir ki, yarış yanvarın 25-26-da Şahdağ Turizm Mərkəzində təşkil olunacaq.
Çempionatda 4️ qadın (“Azərreyl”, “Murov Az Terminal”, “Gəncə”, “U-21”),4 kişi (“Azərreyl”, “Murov Az Terminal”, “Gənclər”, “U-21”) komandası iştirak edəcək. Yarışın ilk günündə oyunlar dairəvi sistem üzrə keçiriləcək. Toplanacaq yekun xallara görə ilk iki pillənin sahibləri çempionluq, 3-cü və 4-cü yeri tutacaq komandalar isə üçüncülük uğrunda oynamaq imkanı qazanacaqlar.
Final və üçüncü yer uğrunda qarşılaşmalar yanvarın 26-da baş tutacaq. Daha sonra qaliblərin mükafatlandırma mərasimi olacaq.
17:04 24.01.2025
Oxunuş sayı: 6081
