Qərbin İranla bağlı siyasətinin "pərdəarxası": Hərb sənayəsini dayandırmaq istəyirlər
ABŞ prezidenti Donald Trampın birinci prezidentlik dövründə İrana olan sərt münasibəti, ikinci dəfə seçildikdən sonra daha da sərtləşib. D.Tramp seçildikdən sonrakı açıqlamalarında əsasən İranı və onunla iş görən dövlətləri hədələyir. D.Tramp son açıqlamasında bildirib ki, İran nüvə silahına malik ola bilməz: “Əgər onlar buna malik olsalar, bu silah digərlərində də olacaq və bu, fəlakətlə nəticələnəcək”.
Yada salmaq yerinə düşər ki, İran
Prezidenti Məsud Pezeşkian yanvarın ortalarında “NBC News” telekanalına müsahibəsində
Tehranın nüvə silahı yaratmaq məqsədinin olmadığını bəyan edib. Rəsmi Tehran bu
mövqeyində səmimidirmi? İranın perspektivdə nüvə silahına malik olması nələrə səbəb
ola bilər?
Mövzu ilə bağlı politoloq Əlimusa İbrahimov Crossmedia.az saytına açıqlama verib.
“Son zamanalar Trampa bu barədə ciddi
suallar ünvanlanıb. Amma o, heç vaxt İrana qarşı hərbi yolla təzyiqdən söz
açmayıb. Hesab edirəm ki, Tramp maksimum diplomatiya ilə bu məsələni həll etməyə
çalışacaq. Trampın məqsədi İranın nüvə proqramının qarşısını almaqdır. Bunun
üçün də İrana nələrsə vermək lazımdır. ABŞ-nin bunu edib – etməyəcəyi müzakirə
mövzusudur”.
Politoloq ABŞ və qərbin İranın hərbi sənayesini
dayandırmaq istədiklərini bildirib: “İstənilən halda dövlətin silah istehsal
etməsi risk doğurur. Amma İran silah istehsal edəcəyini təsdiq etmir. İran nüvədən
dinc məqsədlər üçün istifadə edəcəyi haqqında iddialar verir və bildirir ki,
nüvəni ancaq enerji əldə etmək üçün istifadə edəcək. İranı bu gün tənqid etmək
istiqamətində güclü dəlil yoxdur. İsrail birmənalı olaraq, nüvə proqramından
istifadə edərək İranın iqtisadiyyatına ziyan vurmaq istəyir. Düşünürəm ki, həm
ABŞ, həm də digər qüvvələri narahat edən, nüvə proqramı ilə yanaşı, fərqli hərbi
sahələrdə İranın əldə etdiyi naliyyətlərdir.
Zənnimcə, Qərb xüsusən də İsrail nüvə proqramından istifadə edərək, İranın digər
hərbi obyektlərinə ziyan vurmaq istəyir. Ümumiyyətlə, İranın hərbi sənayesini dayandırmaq əsas məqsəddir”.
Ayhan Ağarzayev
16:24 24.01.2025
Oxunuş sayı: 10692
