Bolu bələdiyyə sədri yanğınsöndürən maşını satıb özünə lüks maşın alıb
Türkiyənin Bolu vilayətindəki otel yanğını sonrasında məlum olub ki, bələdiyyənin CHP-li sədri Tanju Özcan yanğınsöndürən maşını sataraq yerinə özü üçün lüks avtomabil alıb.
Crossmedia.az xəbər verir ki, bu barədə Türkiyənin Sabah qəzeti məlumat yayıb.
Məlumatda, Bolu Bələdiyyəsi Yanğınsöndürmə İdarəsinin inventarında cəmi 3 nərdivanlı yanğınsöndürən maşını olduğu vurğulanır:
“Kartalkayadakı yanğına adekvat reaksiya verilməməsi Boludakı turizm bölgələrinin fövqəladə hallar qarşısında təhlükədə olduğunu göstərir. Tanju Özcan 31 mart yerli seçkilərindən sonra yanğınsöndürən maşını satmaq qərarına gəlib. 3 iyun 2024-cü ildə şura qərarı alınıb və yanğınsöndürmə briqadasının pioner avtomobili satılıb. İyunun 5-də keçirilən tender nəticəsində 2 milyon 600 min TL-yə “Volvo XC 90” markalı lüks avtomobil alınıb. Bu avtomobil Tanju Özcan tərəfindən rəsmi avtomobil kimi istifadə edilməyə başlanıb”,- deyə açıqlmada bildirilir.
Nəzrin Salmanova
14:14 24.01.2025
Oxunuş sayı: 179056
