Yanmış otellə bağlı gerçəklər üzə çıxır - əgər pilləkandan istifadə etsəydilər?...
Türkiyənin Bolu vilayətində yanan otelin keçmiş işçisi olan Erkut Malaycı yanğın pilləkəninin qapısının xizək otağına açıldığını bildirərək, "Yanğın pilləkənini istifadə etsəydilər, ölümə gedə bilərdilər" deyib.
Crossmedia.az xarici KİV-ə istinadən xəbər verir ki, hadisədən sonra otel rəhbərliyinin təhlükəsizlik tədbirlərindəki laqeydliyi 10 il boyu oteldə işləmiş bir əməkdaş tərəfindən də ortaya qoyulub.
Erkut Malaycı etinasızlıqları tək-tək sıralayaraq açıqlama verib. "Yanğın pilləkənlərinin yerində işçi otaqları vardı" deyən Malaycı, otelin ətrafında tullanma yerlərinin olmadığını və yanğın pilləkənlərini tapa bilmədikləri üçün pəncərələrdən çarşaf salladıqlarını bildirib. O, həmçinin elektriklər olmadığı üçün heç bir şeyin görünmədiyini, 11-ci mərtəbədən 1-ci mərtəbəyə qədər yanğın pilləkənləri olsa da, çıxışın otelin çıxışına deyil, xizək otağına açıldığını, hər mərtəbədə, yanğın pilləkənlərinin olduğu yerdə yalnız bir nəfərin qala biləcəyi kiçik otaqlar olduğunu və aşpaz və digər işçilərin bu otaqlarda qaldığını bildirib.
Qeyd edək ki, yanğın nəticəsində 78 nəfər həyatını itirib, 51 nəfər isə yaralanıb.
Fatimə Məmmədova
13:45 24.01.2025
Oxunuş sayı: 40195
