"Volqoneft-239" tankerindən mazutun çıxarılması gələn həftə başa çatacaq
Qara dənizdə Kerç boğazında qəzaya uğrayan "Volqoneft-239" neft tankerinin arxa hissəsindən mazutun çıxarılmasının gələn həftə başa çatdırılması planlaşdırılır.
Crossmedia.az xəbər verir ki, bu barədə TASS məlumat yayıb.
“Bu gün səhər saat 8-ə olan vəziyyətə görə, artıq 1 100 tondan çox mazut çıxarılıb, yəni 300 ton mazut qalıb. Arxa hissənin mazutdan tam təmizlənməsini gələn həftə başa çatdırmağı planlaşdırırıq”, - deyə baş nazirin müavini Vitali Savelyev bildirib.
Belə ki, tankerin arxa hissəsində ümumilikdə təxminən 1 400 ton yanacaq olub.
Qeyd edək ki, işlər fasiləsiz davam etdirilir və yanvarın sonunadək başa çatdırılacaq.
Fatimə Məmmədova
20:51 23.01.2025
Oxunuş sayı: 7616
