Xarici xəbərlər

FT: Avropanın maliyyə çatışmazlığı Ukraynaya sülhməramlı qüvvələr göndərməsinə səbəb ola bilər

Avropa ölkələrinin maliyyə çatışmazlığı onları Ukraynaya hərbi kontingent göndərməyə məcbur edə bilər.
Crossmedia.az xəbər verir ki, bu barədə Financial Times qəzeti məlumat yayıb.
Qəzetin yazdığına görə, Avropa dövlətləri maliyyə çətinlikləri ilə üzləşir: “Ukraynada sülhməramlı funksiyaları yerinə yetirəcək qüvvələrin yerləşdirilməsi, Kiyevə milyardlarla dollar dəyərində uzunmüddətli hərbi yardım göstərilməsindən daha sərfəli alternativ ola bilər”.
Qeyd edək ki, bir sıra siyasətçilər, o cümlədən Fransa prezidenti Emmanuel Makron, belə bir missiyanın məzmununu müzakirə edib.
KİV-lərin məlumatına görə, ABŞ-ın yeni prezidenti Donald Trampın administrasiyası Avropa ölkələrinin kontingenti hesabına 200 minlik bir missiya yaratmağı nəzərdən keçirir.
Rusiya prezidentinin mətbuat katibi Dmitri Peskov isə əvvəllər bildirib ki, Ukraynada xarici hərbi kontingentlərin yerləşdirilməsi çox mənfi nəticələrə, hətta geri dönülməz fəsadlara səbəb ola bilər.
Gültac Mehdizadə