ABŞ-da meşə yanğınlarında ölənlərin sayı 28-ə çatıb
ABŞ-ın Los-Angeles şəhərində davam edən Palisades və Eaton meşə yanğınlarında ölənlərin sayı 28-ə çatıb.
Crossmedia.az xarici mətbuata istinadən xəbər verir ki, Los-Anceles Tibb Ekspertizası Bürosunun məlumatına görə, Palisades yanğınında 11, Eaton yanğınında isə 17 nəfər həyatını itirib.
Kaliforniya Meşəçilik və Yanğınların Mühafizəsi İdarəsinin açıqlamasına əsasən, Palisades yanğını 23 min 448 hektar əraziyə yayılıb və 6 min 500-dən çox tikilini məhv edib. Bu yanğının 65%-nin nəzarət altına alındığı bildirilib. Eaton yanğını isə 14 min 21 hektar əraziyə yayılaraq 9 min 410 tikilini yararsız hala salıb. Bu yanğının 89%-nin söndürüldüyü qeyd olunub.
Qeyd edək ki, ümumilikdə 37 min 469 hektar ərazi yanıb.
Fidan Hacızadə
10:57 22.01.2025
Oxunuş sayı: 10402
