Gənclər və İdman
Fərid Qayıbov Regionlararası Afrika Nazirlər Toplantısında iştirak edib
- Azərbaycan Respublikasının gənclər və idman naziri Fərid Qayıbov İdmanda Dopinqə Qarşı Beynəlxalq Konvensiyaya Tərəf Ölkələrin 9-cu Konfransının (COP9) növbəti Bürosunun vitse-prezidenti olaraq Qambiyanın paytaxtı Banjulda keçirilən Regionlararası Afrika Nazirlər Toplantısında iştirak edib.
- Crossmedia.az Nazirliyin mətbuat xidmətinin məlumatına istinadən xəbər verir ki, F.Qayıbov həmçinin müvafiq yüksək səviyyəli paneldə çıxış edərək regionlararası əməkdaşlığın gücləndirilməsində idman idarəçiliyinin və dövlət dəstəyinin əhəmiyyətindən danışıb.
- Tədbir iştirakçılarını Qambiya Prezidenti Adama Barrou qəbul edib. Nazir həmçinin Qambiyanın gənclər və idman naziri Bakar Bodji ilə də ikitərəfli görüş keçirib. Görüşdə iki ölkə arasında gənclər və idman sahəsində imzalanmış anlaşma memorandumunun icrası çərçivəsində əməkdaşlıq məsələləri müzakirə olunub.
10:20 22.01.2025
Oxunuş sayı: 5121
