Gənclər və İdman
Azərbaycan Basketbol Liqasında XII turun oyunlarının vaxtı açıqlanıb
Azərbaycan Basketbol Liqasında XII turun oyunlarının vaxtı açıqlanıb.
Crossmedia.az Basketbol Federasiyasının mətbuat xidmətinə istinadən xəbər verir ki, oyunlar yanvarın 21-26-sı aralığında təşkil olunacaq.
Yanvarın 21-də, saat 19:00-da "Sərhədçi" "Abşeron"la üz-üzə gələcək. Yanvarın 23-də, eyni saatda "Neftçi" - "Sabah" matçı start götürəcək.
Növbəti gün, saat 14:00-da "Lənkəran" - "Sumqayıt", yanvarın 25-də, saat 12:30-da "Naxçıvan" - NTD, 14:00-da isə "Gəncə" - "Quba" görüşləri gerçəkləşəcək.
Nəhayət, yanvarın 26-da, saat 14:00-da "Şəki" - "Quba" qarşılaşması start götürəcək.
15:09 20.01.2025
Oxunuş sayı: 3941
