Donald Tramp ABŞ prezidenti oldu
Donald Tramp ikinci dəfə ABŞ prezidenti kimi vəzifəsinə başladı.
Crossmedia.az xarici KİV-ə istinadən xəbər verir ki, ABŞ-nin Vaşinqton şəhərində yerləşən “Capital One Arena” idman salonunda keçirilən tədbirdə tərəfdarları ilə görüşən Tramp, prezidentlik kürsüsünə oturduqdan sonra idarəetmədə ciddi dəyişikliklər edəcəyini bildirib.
O, ən böyük və sürətli addımı qanunsuz miqrasiya məsələsində atacağını vurğulayıb.
Keçən ilin noyabr ayında keçirilən seçkilərdə qələbə qazanan Donald Tramp, Vaşinqton vaxtı ilə dünən saat 12:00-da (Bakı vaxtı ilə 21:00-da) and içərək prezidentlik vəzifəsinə rəsmi olaraq başladı.
Qeyd edək ki, andiçmə mərasimində ABŞ-nin keçmiş prezidentləri, dünya liderləri və milyarderlər də daxil olmaqla bir çox tanınmış şəxsin iştirak edəcəyi gözlənilir.
Fidan Hacızadə
06:01 20.01.2025
Oxunuş sayı: 23598
