Mask Almaniyaya kansler "seçir"
"SpaceX" və "Tesla"nın qurucusu İlon Mask "Almaniya üçün Alternativ" partiyasından Alisa Veydelin şüarını paylaşıb.
Crossmedia.az xarici KİV-ə istinadən xəbər verir ki, sözügedən yazı amerikalı milyarderin "X" sosial şəbəkəsindəki səhifəsində paylaşılıb.
Veydelin kampaniya şüarı “Avropanı yenidən möhtəşəm et” idi. Bu da ABŞ-nin yeni seçilmiş prezidenti Donald Trampın “Amerikanı yenidən möhtəşəm et” şüarının oxşar variantıdır.
Qeyd edək ki, İlon Mask və “Almaniya üçün Alternativ” partiyasının həmsədri Alisa Veydelin siyasi baxışları üst-üstə düşür. Mask və Veydel solçu gündəmin Almaniyada təhsilə mənfi təsir göstərdiyi və onlayn media ilə bağlı məhdudiyyətlərin Adolf Hitlerin media senzurasına bənzədiyi barədə həmfikirdirlər.
Maskın fikrincə, Almaniyanı “Almaniya üçün Alternativ” partiyası xilas edə bilər.
Tərlan Əmrahova
19:00 18.01.2025
Oxunuş sayı: 13026
