"Hizbullah" lideri İsrailə xəbərdarlıq etdi
Livan, İsrailin atəşkəs rejimini davamlı olaraq pozmasına ciddi şəkildə qarşı durmalıdır.
Crossmedia.az xəbər verir ki, "Hizbullah"ın baş katibi Şeyx Nayim Kasım müraciətində bildirib.
"Bu vəziyyət sonsuza qədər davam edə bilməz və biz İsraili, onun arxasında duranları səbrimizi sınamamağa çağırırıq. Müqavimət qüvvələri, əvvəlki kimi, Amerika-İsrail layihəsinə qarşı duraraq, Fələstin torpaqlarını azad etmək üçün mübarizəni davam etdirəcək",- deyə o vurğulayıb.
"Hizbullah" Livanın suverenliyi və müstəqilliyini qorumağa imkan verəcək yeni müdafiə strategiyasının müzakirələrində iştirak etməyə hazırdır. Heç kim 'Hizbullah'ı ölkənin daxili siyasətində effektiv iştirakından uzaqlaşdıra bilməyəcək", - deyə o əlavə edib.
Fatimə Məmmədova
17:23 18.01.2025
Oxunuş sayı: 17479
