Estoniyada Rusiya ilə sərhədin bağlanmasını məntiqsiz adlandırırlar
Estoniyada Rusiya ilə sərhədin bağlanmasını məntiqsiz hesab ediblər.
Crossmedia.az xarici KİV-ə istinadən xəbər verir ki, Estoniyanın Daxili İşlər naziri Läänemets Rusiya ilə sərhədin bağlanması təklifinə qarşı çıxıb.
Rusiya və Estoniya arasında sərhədlərin bağlanması təşəbbüsləri cəmiyyət üçün yüksək xərclər səbəbindən məntiqsiz və zərərli hesab edilir.
Belə ki, Estoniya hakimiyyəti uzun müddətdir Rusiya ilə sərhədin bağlanması variantlarını araşdırır və bu istiqamətdə konkret planlara malikdir.
Lakin Läänemets belə təkliflərə qarşı çıxaraq onları mənasız və Moskvaya təzyiq göstərmək üçün yararsız hesab edib.
“Sərhədin bağlanması rusları fikrindən daşındıra biləcəkmi? Xeyr, daşındıra bilməz. Sərhədin bağlanması Polşada və ya başqa bir ölkədə olduğu kimi, miqrant axınına səbəb ola bilərmi? Bunu bilmirik”, – deyə nazir bildirib.
Qeyd edək ki, bundan əvvəl Estoniyanın Isamaa partiyasının lideri Urmas Reinsalu Rusiya ilə sərhədin bağlanması ilə bağlı qanun layihəsini təklif edib. O, həmçinin, Rusiya sərhədçilərini Narva çayında sərhəd nişanlarını qəsdən sökməkdə ittiham edib.
Fatimə Məmmədova
14:39 18.01.2025
Oxunuş sayı: 9112
