Rusiyaya qarşı sanksiyaların ləğvi - Avropa qərarsızdır
Avropa İttifaqının xarici siyasət rəhbəri Kaja Kallas Rusiyaya qarşı tətbiq olunan sanksiyaların uzadılmasının vacib olduğunu bildirib və bu sanksiyaların Aİ-nin əsas “təzyiq vasitəsi” olduğunu vurğulayıb.
Crossmedia.az xəbər verir ki, Kallas jurnalistlərə açıqlamasında qeyd edib ki, “Putin hədəflərini dəyişməyib, vəziyyət də dəyişməyib. Buna görə sanksiyaların ləğvi üçün heç bir əsas yoxdur,” – deyə Kallas jurnalistlərə açıqlamasında qeyd edib.
Aİ Rusiyaya qarşı Ukrayna müharibəsi səbəbilə 15 sanksiya paketi tətbiq edib. Lakin sanksiyaların 31 yanvardan sonra uzadılması üçün Aİ-yə üzv bütün ölkələrin yekdil qərarı tələb olunur. Macarıstanın Baş Naziri Viktor Orban sanksiyaların uzadılmasını ABŞ-ın yeni seçilən prezidenti Donald Trampla müzakirə etmədən təsdiqləməkdən imtina edib.
Orban, Aİ-nin “sanksiyasız münasibətlər” sistemi qurmasının vacibliyini vurğulasa da, Brüsseldən gələn siqnalların “ümidverici olmadığını” bildirib.
Aİ liderləri isə xəbərdarlıq edir ki, əgər sanksiyalar ləğv edilərsə, Rusiya Belçikada dondurulmuş 200 milyard avro dəyərində aktivlərini bərpa edə bilər. Bunun qarşısını almaq üçün Belçika kralının xüsusi hüquqi səlahiyyətlərindən istifadə edilə biləcəyi müzakirə olunur.
Gültac Mehdizadə
12:38 18.01.2025
Oxunuş sayı: 14479
