Rusiyadan Ukraynaya hava hücumu - Ölənlər var
Bu gün səhər Rusiya Kiyev və Zaporojye şəhərlərinə raket zərbələri endirib.
Crossmedia.az “Unian“a istinadən xəbər verir ki, hücum nəticəsində ölənlər və çox sayda yaralananlar var.
Ukrayna Prezidenti Volodimir Zelenski artıq hücumla bağlı reaksiya verib. Prezidentin açıqlamasına görə, Kiyevin mərkəzinə ballistik raketlərlə endirilən zərbə nəticəsində üç nəfər həlak olub, üç nəfər isə yaralanıb. Bundan əlavə, yaşayış binaları, metro stansiyası, mağazalar, kafelər və mülki infrastruktur zədələnib.
Zaporojyedə isə on nəfər yaralanıb. Dağıntılar altında insanların olması ehtimal edilir. Şəhərdə infrastruktur zərər görüb, yaşayış yerləri və mağazalar zədələnib. Hazırda xilasetmə əməliyyatları davam edir.
“Bu müharibədə Rusiya dövlətinə kömək edən hər kəs elə bir təzyiq altında olmalıdır ki, bu təzyiq onların üzərində azı endirilən zərbələr qədər hiss olunsun. Bunu yalnız bütün dünya ilə birlikdə həyata keçirə bilərik,” – deyə prezident vurğulayıb.
Nərgiz Camalzadə
10:50 18.01.2025
Oxunuş sayı: 16994
