Qara dənizin dibində mazut parçaları aşkarlanıb
“Zemlya kasaetsya kajdogo” layihəsi sualtı dron vasitəsilə Anapadan Panagiya burnuna qədər, “Volqoneft-239” tankerinin batdığı ərazini tədqiq edib.
Crossmedia.az “Meduza”ya istinadən xəbər verir ki, mütəxəssislər, dənizin dibində aşağı temperatur səbəbindən səthdən çökmüş mazut parçalarını aşkarlayıblar. Su isinəndə bu mazut parçaları ikinci bir çirklənmə dalğasına səbəb olaraq turizm mövsümündə sahilə çata bilər.
Hazırda hakimiyyət və könüllülər sahilləri təmizləməklə məşğuldurlar, lakin dəniz dibindəki mazut parçalarını necə idarə etmək barədə hələlik konkret bir plan yoxdur.
Rusiya Elmlər Akademiyasının Su Problemləri İnstitutunun məlumatına görə, Kerç boğazında baş verən mazut sızması 21-ci əsrdə Rusiyada qeydə alınan ən ciddi ekoloji fəlakətdir. Yanvarın sonuna qədər mazutun Ukrayna, Rumıniya, Bolqarıstan və Türkiyə sularına çatacağı ehtimal edilir.
Gültac Mehdizadə
20:15 17.01.2025
Oxunuş sayı: 15435
