Mehmet Şimşek: “2025-ci ilin sonuna inflyasiyanın 27,1% olması gözlənilir”
Türkiyənin Xəzinə və Maliyyə naziri Mehmet Şimşek bildirib ki, illik inflyasiya 2024-cü ildə 20 bənd azalıb. Bazarlarda iştirak edənlərin sorğusuna görə, 2025-ci ilin sonunda inflyasiyanın daha 17 bənd azalaraq 27,1% olması gözlənilir.
Crossmedia.az xəbər verir ki, Mehmet Şimşek, Türkiyə Respublikası Mərkəzi Bankının (“TCMB”) Bazarlarda İştirakçılar Sorğusunun nəticələrini dəyərləndirib.
Dezinflyasiya ilə birlikdə gözləntilərdə yaxşılaşmanın davam etdiyini vurğulayan Şimşek, 12 ay sonrakı illik inflyasiya gözləntisinin ardıcıl olaraq 15 aydır azaldığını diqqətə çatdırıb.
Şimşek, illik inflyasiyanın 2024-cü ildə 20 bənd azaldığını qeyd edərək bildirib:
“Bazarlarda iştirak edənlərin sorğusuna görə, 2025-ci ilin sonunda inflyasiyanın daha 17 bənd azalaraq 27,1% olması gözlənilir. Sərtliklərin azalması üçün gözləntilərdəki yaxşılaşmanın davam etməsi olduqca vacibdir. İnflyasiya ilə mübarizəni tələbyönümlü siyasətlərimizin yanaşı ərzaq, mənzil və enerji kimi sahələrdə atacağımız arz yönlü addımlarla da dəstəkləyəcəyik”.
Nərgiz Camalzadə
16:21 17.01.2025
Oxunuş sayı: 6585
