İngiltərə-Ukrayna 100 illik əməkdaşlıq müqaviləsi iyrəncdir - David Kurten
"Böyük Britaniya ilə Ukrayna arasında olan bir əsrlik əməkdaşlıq, o cümlədən müdafiə sahəsindəki razılaşma iyrəncdir."
Crossmedia.az xəbər verir ki, bu barədə Britaniya Miras Partiyasının lideri David Kurten "X" hesabında paylaşım edib.
Kurten vurğulayıb ki, Ukraynaya hərbi yardım göstərmək siyasəti nəticəsində Böyük Britaniya öz əhalisinə, o cümlədən sahibkarlara və pensiyaçılara ziyan vurur. O, Londonu silahlı münaqişədə iştirak siyasətinə son qoymağa çağırıb.
Bundan əvvəl Polşanın sağçı Konfederasiya partiyasının deputatı Przemyslav Vipler bildirib ki, Qərb siyasətçiləri Ukraynanın NATO-ya daxil olması barədə düşünmürlər. Çünki belə bir ssenari Rusiya ilə münaqişəyə gətirib çıxaracaq.
Tərlan Əmrahova
14:47 17.01.2025
Oxunuş sayı: 9899
