20 yanvar şəhidlərinin xatirəsinə həsr olunan cüdo yarışı keçiriləcək
Azərbaycan Cüdo Federasiyasının (ACF) və Abşeron-Xızı Regional Gənclər və İdman İdarəsinin birgə təşkilatçılığı ilə 20 yanvar şəhidlərinin xatirəsinə həsr olunan 15 yaşa qədər kiçik yaşlı yeniyetmə qızlar və oğlanlar arasında region birinciliyi keçiriləcək.
Crossmedia.az xəbər verir ki, yanvarın 18-dən 19-dək keçiriləcək yarış Sumqayıt Olimpiya İdman Kompleksində baş tutacaq.
Birincilikdə qızlar və oğlanlar arasında 18 çəki dərəcəsində 200-dən çox cüdoçu medallar uğrunda mübarizə aparacaq.
Yarışın əsas məqsədi yeniyetmələr və gənclər arasında idman vasitəsi ilə sağlam həyat tərzinin formlaşdırılması, həmçinin cüdonun kütləvi təbliğinə və təşviqinə nail olmaqdır. Yarış müvafiq yaş qrupu üzrə baş tutacaq ölkə birinciliyinə seçim xarakteri daşıyır.
14:15 17.01.2025
Oxunuş sayı: 17806
