İlkin buraxılacaq 33 israilli əsirin siyahısı açıqlandı
İsrail və HƏMAS-ın razılaşdığı Qəzzada atəşkəs və əsir mübadiləsi razılaşmasının birinci mərhələsində azad ediləcək israilli məhbusların adlarının siyahısı açıqlanıb.
Crossmedia.az xarici KİV-ə istinadən xəbər verir ki, Qəzzada atəşkəs və əsir mübadiləsi razılaşmasının birinci mərhələsində azad ediləcək 33 israilli məhbusun adı İsrail mətbuatında açıqlanıb.
“The Jerusalem Post” qəzeti yazdığına görə, israilli əsirlərin bazar günü, yanvarın 19-da azad edilməsi üçün səylər davam etdirilir.
İsrail Baş Nazirlikdən verilən yazılı açıqlamada, müqavilənin imzalanması və hökumət tərəfindən təsdiqlənməsi ilə bağlı gecikmələrə baxmayaraq, məhbusların 19 Yanvar Bazar günü planlaşdırıldığı kimi sərbəst buraxılacağı gözlənilir.
Bəyanatda deyilir ki, atəşkəs razılaşması həm təhlükəsizlik kabineti, həm də hökumət tərəfindən təsdiqləndikdən və qüvvəyə mindikdən sonra “məhbusların azad edilməsi prosesi planlaşdırılan layihəyə uyğun həyata keçirilə bilər”.
Razılaşmaya əsasən, yanvarın 19-u üç israilli qadın əsir azad ediləcək və 42 gün davam edəcək, razılaşmanın birinci mərhələsində azad ediləcək əsirlər qadınlar, qocalar və xəstələrdən ibarət olacaq.
Qeyd edək ki, Beynəlxalq Qırmızı Xaç Komitəsi (BQXK) İsrail və Həmas arasında məhbus mübadiləsi prosesini həyata keçirəcək, BQXK qrupları Qəzzada saxlanılan məhbusları İsrail ordusuna təhvil verəcək.
Aybəniz Səfərova
10:26 17.01.2025
Oxunuş sayı: 14470
