Hakan Fidan: “Müstəqil Fələstin dövlətinin yaradılmasını təmin etməliyik”
Türkiyə Xarici işlər naziri Hakan Fidan müstəqil Fələstin dövlətinin yaradılmasının vacibliyini vurğulayıb.
Crossmedia.az xarici KİV-ə istinadən xəbər verir ki, o, Türkiyənin Fələstin xalqının ədalətli mübarizəsini ilk gündən dəstəklədiyini və bu dəstəyi davam etdirəcəyini bəyan edib.
“Biz zülmün sona çatdığı, ədalətin zəfər çaldığı və Fələstinin müstəqillik məşəlinin sərbəst şəkildə alovlandığı bir gələcəyi birlikdə qurmaq üçün bütün gücümüzlə çalışmağa davam edəcəyik,” – deyə nazir Fidan əlavə edib.
Türkiyə rəsmisinin bu açıqlaması, bölgədə sülh və ədalətin təmin olunmasına yönəlmiş səylərin davam edəcəyinə işarədir.
Fidan Hacızadə
06:02 16.01.2025
Oxunuş sayı: 13290
