ABŞ Zaporojye AES-i sanksiya siyahısına daxil edib
ABŞ Maliyyə Nazirliyi çərşənbə günü Zaporojye Atom Elektrik Stansiyasına qarşı sanksiyalar tətbiq edib.
Crossmedia.az xəbər verir ki, bu barədə nazirliyin yenilənmiş SDN sanksiya siyahısında məlumat verilib.
Yeni sanksiyalar çərçivəsində Rusiya ilə əlaqəli 16 fiziki şəxs, o cümlədən Türkiyə və Çin vətəndaşları siyahıya daxil edilib.
Məhdudiyyətlərə məruz qalan obyektlər arasında bir sıra Rusiya zavodları, o cümlədən Lıtkarskiy optik şüşə zavodu və Novotroitsk xrom birləşmələri zavodu yer alır.
Sanksiya siyahısına həmçinin “Voentorg” şirkəti və “Patriot” Konqres-Sərgi Mərkəzi daxil edilib.
Siyahıya Birləşmiş Ərəb Əmirlikləri və Çin də daxil olmaqla, xarici şirkətlər də salınıb.
ABŞ Maliyyə Nazirliyinin bəyanatında qeyd edilir ki, yeni məhdudiyyətlər Rusiya əleyhinə sanksiyaların pozulmasının qarşısını almaq məqsədilə tətbiq olunub.
Gültac Mehdizadə
05:14 16.01.2025
Oxunuş sayı: 15560
