Türkiyə və Liviya arasında münasibətlər normallaşır
Türkiyə ilə Liviyanın şərqindəki Liviya Milli Ordusu (LNA) arasında əlaqələrin normallaşdırılması üçün ciddi addımlar atılır.
Crossmedia.az xarici KİV-ə istinadən xəbər verir ki, Türk Hava Yolları 10 ildən sonra ilk dəfə Benqaziyə uçuşlar bərpa edib. İlk uçuşda Türk Hava Yollarının baş direktoru Bilal Ekşi iştirak edib. Yaxın zamanda Türkiyənin Benqazidə konsulluq açması gözlənilir.
Qeyd edək ki, Ankara 2022-ci ildən bəri LNA ilə münasibətləri inkişaf etdirərək, Liviyanın şərqi ilə əlaqələri gücləndirir. Bununla yanaşı, beynəlxalq səviyyədə tanınan Tripoli hökumətinə də dəstəyini davam etdirir. Bu təşəbbüslər Liviyada sabitliyin təmin edilməsinə xidmət edir.
Fidan Hacızadə
05:12 16.01.2025
Oxunuş sayı: 15612
