HƏMAS-dan atəşkəs açıqlaması: Son mərhələdəyik
HƏMAS, Qəzzada atəşkəs və əsir mübadiləsi ilə bağlı gözlənilən razılaşmanın son mərhələsinə çatıldığını açıqlayıb.
Crossmedia.az xarici mətbuata istinadən xəbər verir ki, Qəzzada atəşkəs mövzusunda müzakirələr Qətərin paytaxtı Dohada davam edir.
Bu mövzuda açıqlama verən HƏMAS, atəşkəs və əsir mübadiləsi ilə bağlı razılaşmanın tamamlanmasına yaxın olduqlarını bildirib.
Eyni zamanda razılaşma başa çatana qədər Fələstinli qrupların liderləri ilə danışıqların davam etməsi vacibliyi vurğulanıb.
Dohadakı müzakirələrdə əldə edilən irəliləyiş haqqında liderlərlə bir sıra görüşlər və məsləhətləşmələr keçirildiyi qeyd olunub.
Açıqlamada atəşkəs layihəsinin tərəflərə təqdim edildiyi, son detallarla bağlı müzakirələrin davam etdiyi bildirilib. Qətər rəsmisi, ABŞ-ın hazırkı prezidenti Co Bayden və seçilmiş prezidenti Donald Trampın açıqlamalarının müzakirələrin irəliləməsinə təsir etdiyini vurğulayıb.
Fidan Hacızadə
13:30 14.01.2025
Oxunuş sayı: 7624
