DGK: Ötən il qanunvericiliyi pozan şəxslərdə 33,5 kq qızıl aşkar edilib
Ötən il qanunvericiliyin tələblərini pozan şəxslərdən 33,5 kiloqramdan çox qızıl-zinət əşyaları aşkar edilib.
Crossmedia.az xəbər verir ki, bu barədə Dövlət Gömrük Komitəsinin (DGK) Mətbuat və İctimaiyyətlə Əlaqələr İdarəsi məlumat yayıb.
2024-cü il ərzində həyata keçirilmiş tədbirlər nəticəsində gömrük orqanları valyuta və valyuta sərvətlərinin Azərbaycan Respublikasının gömrük sərhədindən keçirilməsi üzərində valyuta nəzarətini həyata keçirərkən qanunvericiliyin tələblərini pozan şəxslərdən 523 907 ABŞ dolları, 11 560 900 rus rublu, 15 000 funt sterlinq, eləcə də 33,5 kiloqramdan çox qızıl zinət əşyaları və külçə, 2739 ədəd gümüş zinət əşyaları və gümüş külçələr və 575.989 karat qiymətli daşlar aşkar olunub.
10:20 14.01.2025
Oxunuş sayı: 5814
