Macarıstan Ukraynanı tənqid etdi: Suverenliyimizə təhdiddir!
Macarıstanın Xarici İşlər və Xarici İqtisadi Əlaqələr naziri Peter Siyarto Ukraynanın “Türk Axını” qaz kəmərinin Krasnodar vilayətində yerləşən kompressor stansiyasına pilotsuz uçuş aparatı ilə hücumunu kəskin tənqid edib.
Crossmedia.az xəbər verir ki, o, bu hücumu Avropanın qaz alan ölkələrinin suverenliyinə təhdid kimi dəyərləndirib.
Nazir bildirib ki, “Türk Axını” qaz kəməri Mərkəzi Avropaya, o cümlədən Macarıstana təbii qazın fasiləsiz çatdırılmasını təmin edir. Siyarto nəqliyyat marşrutunun təhlükəsizliyinə və davamlı fəaliyyətinə ümid etdiyini vurğulayıb.
Avropa Komissiyasının nümayəndəsi də Brüsseldə keçirilən mətbuat konfransında baş verən hücuma görə narahatlığını ifadə edib və tərəfləri müqavilə öhdəliklərinə riayət etməyə çağırıb.
Gültac Mehdizadə
15:31 13.01.2025
Oxunuş sayı: 16050
