BDU-nun türkoloq alimi vəfat etdi
Filologiya üzrə fəlsəfə doktoru, Bakı Dövlət Universitetinin Türkologiya kafedrasının dosenti Gülxanım Vəliyeva vəfat edib.
Crossmedia.az xəbər verir ki, alim 81 yaşında dünyasını dəyişib.
Mərhum alim bu gün Buzovna qəbiristanlığında torpağa tapşırılacaq.
Qeyd edək ki, G.Vəliyeva bir müddətdir onkoloji xəstəlikdən əziyyət çəkirdi.
Xatırladaq ki, G. Vəliyeva 7 oktyabr 1944-cü ildə Bakı şəhərində anadan olub. 1968-1970-ci illərdə AMEA-nın İ.Nəsimi adına Dilçilik İnstitutunun elmi işçisi olub. 1970-ci ildən Bakı Dövlət Universitetinin Türkologiya kafedrasında müxtəlif vəzifələrdə (baş laborant, müəllim, baş müəllim, dosent) çalışıb.
G.Vəliyeva 1984-cü ildə “Azərbaycan dili Şərqi Abşeron şivələrinin leksikası” mövzusunda namizədlik dissertasiyası müdafiə edib, 1990-ci ildə isə dosent elmi adını alıb. Elə həmin ildən BDU-nun Türkologiya kafedrasının dosenti kimi fəaliyyət göstərib.
09:55 12.01.2025
Oxunuş sayı: 10311
