Hadisə
Sumqayıtda minik avtomobilində yanğın: Bir nəfər həyatını itirdi
Sumqayıt şəhərində "Kia" markalı minik avtomobilində yanğın baş verib.
Fövqəladə Hallar Nazirliyindən Crossmedia.az-a bildirilib ki, yanğın nəticəsində avtomobilin mühərrik hissəsi və salonu yanıb. Hadisə yerində aparılan kəşfiyyat zamanı yanğınsöndürənlər tərəfindən bir nəfərin yanmış meyiti aşkar olunaraq aidiyyəti qurumlara təhvil verilib.
Avtomobilin digər hissəsi yanğından mühafizə olunub.
Yanğın Fövqəladə Hallar Nazirliyinin yanğından mühafizə bölmələri tərəfindən söndürülüb.
06:09 12.01.2025
Oxunuş sayı: 13712
