Almaniya ordusunda yeni birlik yaradılacaq
Almaniya ordusunda ölkədəki infrastruktur və mühüm hərbi obyektlərin təhlükəsizliyini qorumaq üçün Quru Qoşunlarına bağlı yeni birlik yaradılacaq. Yeni “vətən mühafizəsi” bölməsi növbətçi və ehtiyatda olan əsgərlərdən ibarət olacaq.
Crossmedia.az Anadolu agentliyinə istinadla xəbər verir ki, bu barədə Almaniya Ordusunun Quru Qoşunlarının sözçüsü məlumat verib.
Qeyd edək ki, birlik hər hansı bir gərginlik, müdafiə və ya böhran vəziyyətində limanları, dəmir yollarını, yük daşıma məntəqələrini, boru kəmərlərini, rəqəmsal infrastrukturu və əsgərlərin tranzit yollarını qorumaq vəzifəsini öz üzərinə götürəcək.
Sülh dövründə isə birliyin əsgərləri fəlakət, epidemiya və terror kimi vəziyyətlərdə vəzifələndiriləcək.
Nəzrin Salmanova
19:45 11.01.2025
Oxunuş sayı: 28952
