İsveçdə İsrailin Qəzzadakı məktəbləri və xəstəxanaları bombalamasına qarşı aksiya keçirildi
İsrailin Fələstində məktəbləri və xəstəxanaları bombalamasına qarşı İsveçdə aksiya keçirilib.
Crossmedia.az xarici KİV-ə istinadla xəbər verir ki , İsrailin Qəzzada məktəbləri və xəstəxanaları bombalaması İsveçin paytaxtı Stokholmda etiraz aksiyası ilə qarşılanıb.
Aksiyada "Qəzzada uşaqlar öldürülür", "Məktəblər və xəstəxanalar bombalanır", "Soyqırımı dayandırın" və "Əbədi olaraq Fələstin" yazılmış plakatlar daşınıb.
Fələstin və Livan bayraqları daşıyan etirazçılar, Qəzzadakı soyqırımın və son günlərdə Livanda artan İsrail hücumlarının dayandırılmasını tələb ediblər.
Fələstinlilərə qarşı soyqırımın dayandırılmasını tələb edən isveçli aktivist Vasin Şöukat, bunları qeyd etdi: "Fələstinlilərin yanındayam və onlara dəstək olacam. 2023-cü ildən bəri Fələstinlilər hücumlara məruz qalaraq çətin günlər yaşayırlar. İsrail Qəzza və Qərbi Livanı bombalayır. Qəzzadakı bütün xəstəxanalar və məktəblər məhv edilib. Bunların baş verdiyini görmək həqiqətən ürək ağrıdır. Bu münaqişəni həll etməyin ən yaxşı yolu Fələstinlilərə hörmət və insanlıq göstərərək onlara eyni hüquqları verməkdir".
Qeyd edək ki, etiraza qatılan yüzlərlə insan "Qatil İsrail, Fələstindən rədd ol", "Qatil İsrail, Livandan rədd ol" və "Təcili və qeyd-şərtsiz atəşkəs" şüarları səsləndirib.
Fatimə Məmmədova
20:46 11.01.2025
Oxunuş sayı: 12743
