Abxaziyada atışma zamanı üç nəfər həyatını itirib
Abxaziya Səhiyyə Nazirliyinin məlumatına görə, Suxumi şəhərindəki “Biskvit” kafesində baş verən atışma nəticəsində yaralanan üç nəfərin həyatını xilas etmək mümkün olmayıb.
Crossmedia.az bildirir ki, bu barədə RİA Novosti xəbər yayıb.
Hadisə zamanı yaralılar Respublika Xəstəxanasına çatdırılsa da, onların aldıqları xəsarətlər həyati təhlükəli olduğu üçün həyatlarını itiriblər.
REN TV-nin məlumatına görə, artıq hadisəni törədən şəxs saxlanılıb. İlkin məlumatlara əsasən, həmin şəxs şəhər administrasiyasında çalışır.
Qeyd edək ki, bundan əvvəl Suxumidə naməlum şəxslər Abxaziya parlamentinin deputatı Adqur Xaraziyanın evinə atəş açıblar.
Gültac Mehdizadə
18:40 11.01.2025
Oxunuş sayı: 12387
